top of page
  • Facebook
  • Whatsapp
ZARA TALENTA (Aprily)
Anaran'ny hetsika :

ZARA TALENTA (Aprily)

Sokajy :

Antsa tononkalo

Mpikarakara:

Fikambanana MALAgasy MAnoratra

Daty:

3 Aprily 2022

Toerana:

Ivotoerana Fifampizarana Art Kolotsaina Ambany Tanàna Ankiz'art Anosibe

ZARA TALENTA (Aprily)

Ny ZARA TALENTA dia hetsika natao isam-bolana eo anivon’ny MALAGASY MANORATRA, izay natomboka tamin’ny volana aprily 2022 tao amin’ny Ivontoerana Fifampizarana Art Kolontsaina Ambany Tanàna ANKIZ'ART Anosibe. Tetikasa iray napetraky ny filoha nasionaly tamin’izany fotoana, RAKOTOARIMANANA Sandanomena Aymar, ity hetsika ity, natao hanome lanja sy hanome sehatra ireo poeta sy mpanoratra vao misandratra mba hanehoany ny talentany, hifanakalozana traikefa, ary hanatsarana hatrany ny kalitaon’ny asa soratra.


Ity ZARA TALENTA voalohany ity dia natao anaty efitrano manokana, nisantarana ny fifampizarana teo amin’ireo mpikambana ao amin’ny fikambanana. Izany dia natao hahazoana fahatokisana sy hanamafisana ny fifandraisana eo amin’ireo mpanoratra efa ao amin’ny fikambanana alohan’ny hanokafana azy amin’ny sehatra midadasika kokoa. Nisy fizarana ara-potoana natao hampahafantarana ireo teknika sy fomba fiasa amin’ny fanoratana, ary nifampizarana ihany koa ireo fomba fijery sy torohevitra hanatsarana ny zavakanto amin’ny alalan’ny soratra.


Tamin’ny alalan’ity hetsika ity dia hita fa tsy voafetra ho amin’ny seho ivelany fotsiny ny fikambanana fa misokatra amin’ny fanofanana sy fampivelarana ihany koa. Ny fahombiazan’ny ZARA TALENTA volana aprily dia nahatonga ny hetsika ho lasa fandaharana isam-bolana, manamafy fa ny MALAGASY MANORATRA dia miezaka hatrany hanandratra sy hampiroborobo ny zavakanto sy ny literatiora malagasy.

Fond bleu.jpg
MALAGASY MANORATRA

Adidintsika rehetra ny manandratra sy manome lanja ny teny Malagasy. 'Ndao  isika hifanome tanana!

Mandrosoa hasina tompoko!

Ireo sampana:

✔  Analamanga
✔  Itasy
✔  Toamasina
✔  Vakinankaratra

Fifandraisana:

Lot IIIX 115 DCP Anosibe Andrefana II,

Antananarivo 101.

© 2023 - 2025    Zo rehetra voatahiry - Fidy Art Niaina.  Noforonina tamin'ny Wix.com

bottom of page