Anaran'ny hetsika :
ZARA TALENTA (Aogositra) / ANTSA HO AZY
Sokajy :
Antsa tononkalo
Mpikarakara:
Fikambanana ANKIZ'Art sy MALAgasy MAnoratra
Daty:
7 Aogositra 2022
Toerana:
Ivotoerana Fifampizarana Art Kolotsaina Ambany Tanàna Ankiz'art Anosibe
ZARA TALENTA (Aogositra) / ANTSA HO AZY
Ny ZARA TALENTA volana Aogositra, natao ny 07 Aogositra 2022 tao amin’ny Ivontoerana Fifampizarana Art Kolontsaina Ambany Tanàna Ankiz'Art Anosibe, dia hetsika niavaka satria nosokajiana ho fahatsiarovana sy fanomezam-boninahitra an’i Bebe Jeanne D’Arc, reny mpiahy ny ivotoerana, izay nodimandry ny 19 Jolay 2022. Noho izany dia nitondra anarana manokana hoe "TSIARO HO AZY" ity andiany ity, izay feno fihetseham-po sy fahatsapana lalina.
Fantatra fa i Bebe Jeanne D’Arc dia anisan’ny raiamandreny nanohana sy nandray an-tanana ny fivelaran’ny zavakanto sy ny literatiora teo amin’ny Ivontoerana Ankiz’Art. Nanome ny fotoanany ho an’ny tanora mpanakanto izy, ary namela lova tsy ho levon’ny fotoana. Olona niaina tanaty zava-kanto moa izy fony fahavelony izay fanta-daza tao anaty tontolon'ny Hira gasy.
Tamin’ity hetsika ity dia namoaka tononkalo fahatsiarovana sy fitrotroana am-bavaka ireo mpanoratra, ho fanehoam-pisaorana sy fahatsiarovana azy. Sehatra feno fahatsiarovana sy fiaraha-miory no nisy, ary nibaribary tao fa na mety ho fohy aza ny androm-piainana, dia mitoetra mandrakizay kosa ny ainga, ny hafatra ary ny lova navelan’ny tena ho an’ny taranaka manaraka.