top of page
  • Facebook
  • Whatsapp
VAHAN-TSORATRA SY KALO POETIKA
Anaran'ny hetsika :

VAHAN-TSORATRA SY KALO POETIKA

Sokajy :

Antsa tononkalo

Mpikarakara:

MALAgasy MAnoratra sampana Itasy

Daty:

21 Janoary 2023

Toerana:

Sekoly FJKM Imerintsiatosika

VAHAN-TSORATRA SY KALO POETIKA

Tamin’ny 21 Janoary 2023, dia nanomboka ny taona vaovao tamin’ny alalan’ny hetsika "VAHAN-TSORATRA SY KALO POETIKA" ny Fikambanana MALAGASY MANORATRA. Notanterahina tao amin’ny Sekoly FJKM Imerintsiatosika, ity fihaonana ity dia niompana tamin’ny antsa tononkalo, sehatra natokana ho an’ny fanehoana kanto amin’ny alalan’ny teny sy feo.


Nanokatra tamin’ny fomba ofisialy izany ny filohan’ny sampana, Diary Rakotoson, ka nampahatsiahy ny vina sy tanjona apetraka ho an’ny taona. Notsindrian’ny filoha lefitra, Albin David, ihany koa fa ezahana ny hanitatra ny fisian’ny fikambanana manerana an’i Itasy, ka izany indrindra no antony nivoaran’ny anarana ho MALAGASY MANORATRA sampana Itasy, fa tsy Imerintsiatosika fotsiny intsony.

Na dia tamin’ny fotoana fahavaratra sy namotaka aza ny lalana, dia tsy nanelingelina ny fahatongavan’ny olona izany. Nanaporofo ny fitiavan’ny rehetra ny literatiora sy ny fiombonana ara-kolontsaina. Samy nandray anjara tamin’ny fanandratana ny soratra sy ny kanto ny rehetra, ary niara-nisalahy tamin’ny fampivelarana sy fampiroboroboana ny zavakanto malagasy amin’ny endriny maha-teny sy maha-haino aman-jery azy.


Nifarana tamim-piravoravoana ny hetsika, feno fanantenana sy fahavononana ireo mpandray anjara fa mbola hitohy hatrany ny dian’ny MALAGASY MANORATRA, hitondra hafatra sy hanamafy orina ny fitiavana ny teny sy ny zavakanto.

Fond bleu.jpg
MALAGASY MANORATRA

Adidintsika rehetra ny manandratra sy manome lanja ny teny Malagasy. 'Ndao  isika hifanome tanana!

Mandrosoa hasina tompoko!

Ireo sampana:

✔  Analamanga
✔  Itasy
✔  Toamasina
✔  Vakinankaratra

Fifandraisana:

Lot IIIX 115 DCP Anosibe Andrefana II,

Antananarivo 101.

© 2023 - 2025    Zo rehetra voatahiry - Fidy Art Niaina.  Noforonina tamin'ny Wix.com

bottom of page