Anaran'ny hetsika :
TENY IAINANA
Sokajy :
Antsa tononkalo sy hira
Mpikarakara:
MALAgasy MAnoratra
Daty:
8 Oktobra 2023
Toerana:
Efitrano malalaky ny Kaominina Ambanivohitra Ankadinandriana
TENY IAINANA
TENY IAINANA dia hetsika niompana amin’ny fantsom-panabeazana amin’ny alalan’ny poezia sy ny soratra, nokarakarain’ny Fikambanana MALAGASY MANORATRA sy ny Kaominina Ambanivohitra Ankadinandriana. Tontosa ny Alahady 08 Oktobra 2023 tao amin’ny Efitrano malalaky ny Kaominina Ankadinandriana ity fihaonana ara-kolontsaina ity, izay nifantoka tamin’ny fanentanana hiadiana amin’ny herisetra sy ny zava-mahadomelina.
Tsy fialamboly fotsiny ny literatiora, fa fitaovana mahery vaika ihany koa entina hanabeazana sy hanentanana ny olom-pirenena. Ny teny sy ny kanto dia nampiasaina hanaitra sy handrisika ny saina hitodika amin’ny ady amin’ny herisetra sy ny fidorohana, izay isan’ireo olana goavana manimba ny fiaraha-monina.
Nahasarika olona maro tokoa ny hetsika, ary feno ny efitrano. Tsapa fa nisy fiatraikany tamin’ireo tonga nanatrika izany, ka nanamafy fa ny kolontsaina sy ny zavakanto dia afaka mitondra fiovana tsara ho an’ny fiarahamonina. Nalaina hisaraka moa ny rehetra tami'ny fiaran'ny hetsika.
