TAOM-BAOVAO MALAGASY 2024 (Mahamasina)

TAOM-BAOVAO MALAGASY 2024 (MAHAMASINA), hetsika iray lehibe natao hankalazana ny taombaovao malagasy, dia notanterahina tao amin’ny Kianjan’i Mahamasina ny 10 sy 11 Martsa 2024. Ity hetsika ity dia tafiditra ao anatin’ny fandaharam-potoana nokarakarain’ny Komity mpikarakara ny Taom-baovao Malagasy, ho fanamafisana sy fanandratana ny kolontsaina sy ny soatoavina malagasy.

Ny 10 Martsa hariva, dia nisy ny afo tsy maty sy ny arendrina, izay anisan’ny mariky ny fankalazana. Nisy ihany koa ny fiantseharan'ireo mpanakanto maro samihafa izay nandravaka sy nanome endrika manokana ity lanonana ity. Taorian’ny lanonana teny Manjakamiadana, dia nidina teto Mahamasina ireo ekipan’ny Malagasy Manoratra nanontrona sy nanatrika ity hetsika ity.

Ny 11 Martsa maraina, dia nanomboka ny antsa tononkalo, izay nandraisan’ireo mpikambana ao amin’ny Malagasy Manoratra anjara tamim-pirahalahiana sy fahavononana.

Isan’ny hery lehibe nahafahan'ny Malagasy Manoratra nahazo sehatra tamin’ity hetsika ity ny fisian’i Ankoay Mikolohasina, izay mpikarakara. Izy dia mpianatra maintimolaly tao amin’ny Kolejy Masindahy Josefa Mahamasina, sady efa ela niara-dalana tamin’ny Malagasy Manoratra, ka nitarika sy nanohana hatrany ny fikambanana mba ho tafiditra amin’izao fankalazana manan-tantara izao.