top of page
  • Facebook
  • Whatsapp
LANITRA FAHAFITO
Anaran'ny hetsika :

LANITRA FAHAFITO

Sokajy :

Zavakanto maro loko

Mpikarakara:

Fikambanana Ankiz'art sy Club Young Sport Sky

Daty:

27 Martsa 2021

Toerana:

Ivotoerana Fifampizarana Art Kolotsaina Ambany Tanàna Ankiz'art Anosibe

LANITRA FAHAFITO

Ny "Lanitra Fahafito", notanterahina ny 27 Martsa 2021 tao amin’ny Ivontoerana Fifampizarana Art Kolontsaina Ambany Tanàna ANKIZ’ART Anosibe, dia hetsika goavana nankalazana ny faha-fito taona nanoratan’i Fidy Art Niaina. Izy io no hetsika antsa tononkalo voalohany nokarakaraina tao amin’ity ivontoerana ity sy teny ambany tanàna, ary tao no naseho voalohany ihany koa ny logo-n’ny fikambanana MALAGASY MANORATRA, manamarika ny fivelaran’ny fikambanana amin’ny sehatra ara-kolontsaina.


Nifototra tamin’ny antsa tononkalo ity lanonana ity, saingy tsy niompana tamin’ny literatiora fotsiny fa nitambatra tamin’ny zava-kanto maro loko izay nanome endrika miavaka tamin’ny fotoana. Nandravaka izany ny boxe, dihy, hira, sy ny fanehoana kanto hafa. Anisan’ireo nandray anjara tamin’ny hetsika ny Club Young Sport Sky (CYSS) tamin’ny fiantsana ny tononkalon'i Fidy Art Niaina, Fandrotrarana no teo amin’ny fanentanana, ary nanamafy ny feo sy ny gadona kosa ireo mpanakanto toa ny Tarika Vala’art, Profesia, Tarika Ral, ary ny Tarika Reggea An’Jah. Tsy latsa-danja ihany koa ireo vahiny nasaina, nahitana an’i MOM, Aloka Mainty, Tarika Safimar, Ankiz’Art Boxe, sy ny Ankiz’Art Dihy.

Nanjary sehatra iray nampifandray ny literatiora sy ny zavakanto tamin’ny endriny samihafa ny "Lanitra Fahafito", ka nahatonga azy ho hetsika nahafinaritra sy nahitam-piovana ho an’ny mpankafy poezia sy zavakanto Malagasy.


Tsara ny mampahafantatra ety am-pamaranana fa isan'ny haino vaky jery nanampy tamin'ny fanentanana tamin'io ny Free FM sy ny Gazety Taratra


Fond bleu.jpg
MALAGASY MANORATRA

Adidintsika rehetra ny manandratra sy manome lanja ny teny Malagasy. 'Ndao  isika hifanome tanana!

Mandrosoa hasina tompoko!

Ireo sampana:

✔  Analamanga
✔  Itasy
✔  Toamasina
✔  Vakinankaratra

Fifandraisana:

Lot IIIX 115 DCP Anosibe Andrefana II,

Antananarivo 101.

© 2023 - 2025    Zo rehetra voatahiry - Fidy Art Niaina.  Noforonina tamin'ny Wix.com

bottom of page