Anaran'ny hetsika :
HIKALO FITIA
Sokajy :
Antsa tononkalo
Mpikarakara:
MALAgasy MAnoratra sampana Itasy
Daty:
11 Septambra 2022
Toerana:
Tranompokonolona Imerintsiatosika
HIKALO FITIA
Ny HIKALO FITIA, natao ny 11 Septambra 2022 tao amin’ny Tranompokonolona Imerintsiatosika, dia hetsika nanamarika ny fitsanganan’ny Fikambanana MALAGASY MANORATRA sampana Itasy. Ity sampana vaovao ity, notarihin’ny Filohany, Diary RAKOTOSON, no sampana voalohany niorina teo anivon’ny fikambanana.
Taorian’ny ZARA TALENTA, nitondra aina vao ho an’ny fikambanana ity fihaonana ity. Tonga nanotrona izany ny ankamaroan’ny mpikambana avy ao Analamanga, ka anisan’izany ny Filoha Nasionaly, RAKOTOARIMANANA Sandanomena Aymar, sy ny Filoha Mpanorina ny ANKIZ’ART, RANDRIAMIRIJANSON Tolojanahary J.S.
Nanjary sehatra feno fiaraha-mientana sy firaisankina ny HIKALO FITIA, nahatonga ny Tranompokonolona Imerintsiatosika ho feno hipoka, ary nifarana tamim-piravoravoana ny fotoana, manamarika ny fanombohana vanim-potoana vaovao ho an’ny literatiora sy ny fikambanana amin’ny faritra Itasy.
