FETE DE LA MUSIQUE AMBANY TANANA

Ny "Fête de la Musique Ambany Tanàna", notanterahina ny 20 Jona 2021 tao amin’ny Ivotoerana fifampizarana art kolontsaina ambany tanàna ANKIZ’ART Anosibe, dia hetsika nankalazana ny Fetin’ny Mozika, izay ankalazaina maneran-tany isaky ny 21 Jona. Notanterahin’ny Fikambanana Ankiz’Art sy ny Tarika Spesialista, ity no hetsika voalohany natao tamin’iny faritra iny, izay nifangaroan’ny mozika, tononkalo, dihy, ary endrika zavakanto maro hafa.

Maro ireo tarika sy artista nandray anjara sy nanafana ny sehatra, anisan’izany ny Tarika Spesialista, Ravelo Jean Baptiste, Tarika Reggae An’Jah, Pinam, Tarika Dzao Lahy, Fidar, Ankiz’Art Dihy, Kheman, MOM, Tsots’Art, Tarika Ral, Aloka Mainty, Petit Percu, Jess-Mih, ary ny Tarika Safimar.

Fa iray amin’ireo singa nampiavaka ity hetsika ity ny fiantsana tononkalo nataon’ny MALAGASY MANORATRA, izay nisy an’i Vetson’ny Fy-Arovana, Fenosoa Toavina, ary Fidy Art Niaina. Nanome sehatra manokana ny tononkalo ity hetsika ity, satria io no fototra hiaingan’ny mozika izay avadika ho tononkira.

Notarihin’i Fandrotrarana ny teo amin'ny fanentanana. Nitambatra tao anatin’ny hetsika ny fiainana ara-kolontsaina sy ara-javakanto, nampiray ireo mpanakanto ary nampiseho ny maha-zava-dehibe ny mozika sy ny tononkalo eo amin’ny fiarahamonina.

Isan'ny nanampy be tamin'ny fampahafantarana ny fisian'ity hetsika ity moa ny Gazety Taratra