top of page
  • Facebook
  • Whatsapp
'NDAO ISIKA HIFANOLO-TANANA
Anaran'ny hetsika :

'NDAO ISIKA HIFANOLO-TANANA

Sokajy :

Hetsika sosialy

Mpikarakara:

MALAgasy MAnoratra

Daty:

18 Desambra 2022

Toerana:

Anosy - Ambohijatovo - Ambohidahy - Analakely - Isoraka - Antaninarenina

'NDAO ISIKA HIFANOLO-TANANA

Tamin’ny 18 Desambra 2022, dia nanatanteraka hetsika ara-tsosialy lehibe ny Fikambanana MALAGASY MANORATRA tamin’ny alalan’ny "’NDAO ISIKA HIFANOLO-TANANA". Tanjona tamin’izany ny fanampiana ireo tsy manan-kialofana sy mpatory an-dalambe teny amin'ny faritr'Anosy, Ambohijatovo, Ambohidahy, Analakely, Isoraka, sy Antaninarenina, amin’ny alalan’ny fizarana fitafiana mbola azo ampiasaina.


Na dia fanomezana tsotra aza, dia niteraka hafaliana lehibe ho an’ireo nandray. Tena nanome hafanana ho an’ny fo sy fanantenana ho azy ireo izany, indrindra fa andro ankatoky ny fety. "Tsy misy manana ny ampy fa sambatra izay mifanampy", hoy ilay fitenenana, izay naneho tanteraka ny zava-nisy tamin’ity hetsika ity.

Ankoatra ny fizarana fanomezana dia nisy koa ny fanentanana ho amin’ny fifanampiana sy ny fiaraha-monina miray hina. Ny hetsika dia nampahafantarina tamin’ny Gazety Taratra, mba hampiroboroboana hatrany ny soatoavina maha-olona. Nofaranana tamin’ny antsa tononkalo tao Antaninarenina ny hetsika, ho fanehoana amin’ny alalan’ny teny sy soratra fa zava-dehibe ny fiaraha-monina mifampitsinjo.


Ny hetsika "’NDAO ISIKA HIFANOLO-TANANA" dia porofo fa amin’ny fiaraha-mientana sy fifanampiana, dia afaka manova fiainan’olona. Kely ny asa natao, saingy lehibe ny fiantraikany. Antenaina fa ho maro hatrany ireo hetsika toy izao, satria amin’ny fitiavana sy firaisankina no mamelona fanantenana ho an’ny rehetra. ❤️

Fond bleu.jpg
MALAGASY MANORATRA

Adidintsika rehetra ny manandratra sy manome lanja ny teny Malagasy. 'Ndao  isika hifanome tanana!

Mandrosoa hasina tompoko!

Ireo sampana:

✔  Analamanga
✔  Itasy
✔  Toamasina
✔  Vakinankaratra

Fifandraisana:

Lot IIIX 115 DCP Anosibe Andrefana II,

Antananarivo 101.

© 2023 - 2025    Zo rehetra voatahiry - Fidy Art Niaina.  Noforonina tamin'ny Wix.com

bottom of page